WWW ke bina website show na ho to kya kare ?

Kya aap ek Blog Website chalate hai.Dosto sabhi log apne website par bahot mehnat karte hai lekin kabhi kabhi blog website par problem aa jati hai aur jab tak wo problem theek nahi ho jati hamara blog website me kaam karne me bilkul bhi mann nahi lagta hai.

Dosto agar aapne apna Blog Website Blogger par bana rakha hai to aap ye jaante honge ki jab hum Blogger par Custom Domain lagate hai to hame domain ke aage www. Lagana jaruri hota hai jabki WordPress par jab hum website banate hai to hame dono option milte hai ki hum apni website ke aage www lagana chahte hai ya nahi.

Maan lijiye hamara Domain yoursitename.com hai to agar humne Blogger par Blog Website banai hai to hume http://www.yoursitename.com likhenge tabhi hamara website open hoga aur agar hum keval http://yoursitename.com likhenge to hamara site open nahi hoga.

Lekin Dosto ek tarika hai jiski help se iss problem ko solve kia jaa sakta hai aur agar aap http://yoursitename.com kholne ki kosis karenge tab bhi aapka site www ke saath hi khulega.
To dosto agar aapne bhi ye problem face ki hai to aaj aap iss article ko padhte rahiye aur iss article ke khtam hone tak aap seekh jaaoge ki www redirection error ko kaise theek kare.


Bina www ke Website open nahi ho rahi hai error ko kaise theek kare?
Bina www ke Website open nahi ho rahi hai error ko kaise theek kare?


aap sab ka Yu Drives Blog me bahot Swagat hai.Aaj iss article me hum aapko batayenge ki Bina www wali site ko www wali site par redirect kaise kare ya Bina www ke Website open nahi ho rahi hai error ko kaise theek kare.

Dosto agar aapki site bhi keval  domain likhne se khul nahi rahi hai aur error show ho raha hai to ye post aapke bahot kaam aane wala hai dosto.

To Pehle hum ye jaan lete hai ki Bina www wali website ko www wali website par redirect karna kyo jaruri hai aur aapko isse kya nuksaan ho sakta hai.

Bina www wali Website ko www wali Website par redirect karna kyo jaruri  hai ?

Dosto hum jo bhi custom Domain kharidte hai aur use Blogger se connect  karte hai uske baad wo domain www wala domain ban jata hai lekin kayi baar hum bhi aur baaki log bhi aapki site ko bina www ke hi kholne ka try karte hai kyoki chota likhna easy hai aur unke anusar bina www likhe bhi wo sidhe aapke site par pahoch jaenge.

Lekin agar aapne redirection enable nahi kar rakha hai to jo bhi person aapki site ko bina www ke open karega  usko error show hoga aur use lagega ki aapki site band ho chuki hai aur wo vapas chala jaega aur dheere dheere aapke daily views kam hone lagega kyoki unko lagega ye site down ho chuki hai ya band ho chuki hai.

Kayi baar esa bhi hota hai dosto aapki site bina www ke rank ho jati hai to jab log google me uss par click karte hai to unko error show hota hai aur wo vapas chale jate hai aur google ko lagta hai ki ye website important nahi hai aur iss vajah se aapki ranking gir jaati hai.aaj ke time me sab ranking kaa hi khel hai to agar aapki ranking giri to aap kuch bhi nahi kar payenge.aapka traffic bhi khtam hone lagega aur aapki saari mehnat bekar ho jaegi.

Lekin dosto mere rehte esa nahi hoga kyoki iss article me Main aapko bataunga ki aap bina www ke site open nahi ho rahi hai wale error ko kaise theek kare?

Umeed hai aap iss article me seekh jaoge ki ki bina www wali site ko www wali site par redirect kaise kare or www redirection error ko kaise theek kare ?
To Dosto chaliye jaan lete hai bina koi time waste kare.

Bina www ke Website Open Nahi ho rahi hai error ko kaise theek kare ?

Dosto Agar aap Blogger par Blog Website banaye hai aur aap ki site bina www ke open nahi ho rahi hai ya error bata raha hai to dosto aap bilkul theek jagah par hai hum yaha aapko step by step bata denge ki  aap Bina www wali site ko www wali site par redirect kaise kare.

Step 1:-

           Dosto Sabse pehle Aapko apne Blogger Dashboard me jaana hoga.Yaha se aap Settings me Jaaye aur Settings me apne Custom Domain jaha Set up kia hai waha par jaaye niche dikhaye photo anusar.

Step 2:- 

           Iske baad dosto apne  Custom domain par edit ke button par click kare.uske baad aapko niche dikhaye anusar dikhega.


Step 3:-

        Iske  baad dosto aap ko uss check box ko tick karna hai jisme likha hai ki redirect yourname.com to www.yourname.com .jee haan dosto aapko iss box ko tick karke Save kar dena hai  aur bas ho gya aapka kaam.

Ab aapko kuch der wait karna hai aur uske baad  apni website ko bina www ke open karna hai. Ab aap dekhnge ki aapki site bina www ke bhi sidhe www wali site me open ho jaaegi.

Umeed hai aapka problem theek ho gya hoga agar ab bhi aapka site bina www ke nahi khulta hai to aap jaha se aapne apna domain kharida hai waha jakar domain redirection par click karke source me  yourname.com ko www.yourname.com par forward karde.

Iski jarurat hoti nahi hai vaise to lekin fir bhi agar aapko problem aati hai to aap esa kar sakte hai.

Conclusion:-

  Dosto iss article me humne aapko bataya hai ki Bina www wali website ko www wali website par redirect kaise kare ya bina www ke Website open nahi ho rahi hai error ko kaise theek kare.
Apne dosto ke saath share karna naa bhule aur koi bhi problem hai to comment me jarur puche.

Comments

Popular posts from this blog

Android smartphone par Coding kaise sikhe in Hindi ?

Earn 1000$ Per Month | Micro Niche Blogging kya hai ?